網民熱話：馬路地鼠洞 網友話小童浸浴都得
20160829
東網電視
更多新聞短片
條馬路咁多窿，對駕駛人士嚟講真係好危險。(小心駕駛(討論別人駕駛態度) fb/設計圖片)
交通意外大家都唔想見到，除各位司機要小心駕駛外，其實路面情況都好重要，可惜香港唔少馬路都陷阱處處，如最近就有網民喺觀塘鐵路站巴士總站附近，見到馬路凹陷，路面出現一個個窿，就咁睇到都覺得好牙煙！難怪貼主都忍唔住講「其實政府係咪用泥膠嚟鋪馬路？」
網民Bryan Wong於facebook群組「小心駕駛(討論別人駕駛態度)」上載照片，隨即引起大批網友熱烈討論，有網友留言大鬧指「依幾個窿兩個星期啦！」，直言最深的一個窿，「用嚟畀小朋友浸浴都得」。條路咁樣，最唔like應該都係班司機，有網友就覺得巴士司機好慘，都唔知點行好，有任職巴士司機都留言話，如果「渣」巴士遇到呢啲「地鼠洞」或者凸起的瀝青，分分鐘會失控，如果旁邊有車，真係兇多吉少。
好多網民都話香港其他地方的馬路，都有類似情況，如中西區般咸道近香港大學附近，有馬路的一半瀝青都「起晒」；牛頭角定富街巴士站慢線，有「嚿嘢凸出」；有人仲講「最出名整路之地」應該是曉光街，直言都唔知整咗幾多次，鬧爆香港依家啲路愈來愈爛，簡直同落後國家差不多。有網民就認為，近一年香港的馬路「爛得特別勁」，懷疑有人偷工減料，仲覺得政府「梗係唔會同你整咁靚」，因為只有爛路才可維修及有工程做！
網民有話說
Wai Lun Tsang：咁多重型車經過，咩都死啦！
Sum Ivan：補完未乾透就用 所以都係會甩
Smart Dum：落完雨個(嗰)幾日揸車 真係要一眼關七 隨時中窿都唔知
Eric Law：電單車好危險
William Chan：中左7傷拳呀
※緊貼網民熱話，掌握最熱話題，請關注網民熱話fb：