警二次創作日洗腦歌籲扣安全帶　網民嘲低能

日本諧星古坂大魔王化身「PIKO太郎」推出的洗腦歌《Pen-Pineapple-Apple-Pen》由日本殺到香港，連香港警察都玩埋一份，晚上在其facebook上載一條短片，二次創作這首歌，呼籲各位司機和乘客要記得扣安全帶，但劣評如潮，被網民嘲笑「低能」、「乜尊嚴都無曬(晒)」，又有網民指出：「見親啲差佬都無人扣安全帶，是否提醒警察要配(佩)帶(戴)安全帶？」

該短片長約半分鐘，名為《路路安全BBSB-Belt Buckle Seat Belt》，2名警員在警車示範扣安全帶。香港警察facebook形容：「原來扣安全帶都可以咁潮，識扣一定係咁扣！各位司機同乘客以後要記得扣安全帶喇！」

網民則一致劣評，Ck Choi說：「好低能」，Lee Ting Pok坦言：「我平時好撐警隊，但呢條片真係撐唔落」，Dicky Koonkoon 說：「乜尊嚴都無曬(晒)」，Jhang Chung則認為：「侮辱咗神曲」，Evans Au Yeung表示：「香港警察不要走這路線，本身已經無乜尊嚴，重要將形象再做低D，真是慘不忍睹。」Hanson Wong指出：「見親啲差佬都無人扣安全帶」，而Phyllis Chan也稱：「是否提醒警察要配(佩)帶(戴)安全帶？」