你要知：5両=1茶匙脂肪　狂食大閘蟹易致肥

秋風起，又到食大閘蟹的季節。雖然今年受天氣影響，令收成期延遲，現時還未是大閘蟹「最靚」的時節。不過，已有不少大閘蟹迷頻頻入貨，炮製大閘蟹宴，率先品嘗。不少人一餐食十隻大閘蟹，然而食過多大閘蟹並不健康。有營養師建議，一餐食兩至三隻大約5両重的大閘蟹已達標。

「一次食3隻，唔怕太多。」大閘蟹迷陳小姐指，因有朋友到家中晚飯，決定炮製大閘蟹宴。「琴日先食完，一個季節都係食幾次，唔怕太多。」大閘蟹迷洪小姐就表示，會做運動及飲用紹興酒或薑茶，所以不怕進食太多令身體不適。

食大閘蟹有特定季節，所以秋風一起，大閘蟹迷就瘋狂進食。不過，身體隨時難以負荷，影響健康。想食得開心又健康，尚營坊高級營養師黃凱詩建議，一餐進食兩至三隻大約5両重的大閘蟹，不過同一餐就不宜再有其他肉類或魚類。「有五穀類食物一同進食會比較好，同埋煮番多啲菜，例如雜菜煲。」

好多人以為食大閘蟹，膽固醇為一大隱憂。不過，黃表示，美國已取消攝取膽固醇上限，因多項研究顯示，飲食中的膽固醇對健康成年人血液中膽固醇濃度並沒有顯著影響。 「大閘蟹係唔係我哋想像中咁唔健康，我相信同一般嘅蟹分別唔係太大。」

然而，不要以為取消攝取膽固醇上限後，就可以毫無節制進食大閘蟹，進食過量有機會致肥。黃指，一隻約5両重的大閘蟹，膽固醇210毫克，脂肪為一茶匙。「攝取過多肉類及脂肪，引致身體能量轉化成脂肪，儲存喺身體，就有致肥危機。」

另外，黃不建議參加大閘蟹放題。「食放題都一樣，分量都係2至3隻，相信就唔係太抵食啦。」此外，放題有可能有其他菜式會採用蟹粉，煮蟹粉時一般都會加油，攝取的脂肪量會上升。脂肪量攝取過多，最終會令膽固醇上升。