政Whats噏：宣誓風波或引發補選　各派虎視

政府早前突然出手，由律政司代表特首入稟，就青年新政議員梁頌恆及游蕙禎獲准重新宣誓提出司法覆核。假如政府勝訴，梁、游兩人將會喪失議員資格，意味兩人的新界東及九龍西議席出缺勢必補選，估計建制派、泛民主派及本土派必定虎視眈眈，望補選博一博「執死雞」進入議會。

據了解，政府並不介意因禠奪兩人議員資格而觸發補選，亦有舉行補選的準備，因為立法會過去曾多次舉行補選。根據過去補選經驗，最終只會成為建制與傳統泛民的對決，但現時兩個議席均屬於本土派，所以傳統泛民會否出選仍然是未知之數。不過，傳統泛民的選票未必能夠過戶予本土派，所以傳統泛民決定不出選，補選將會對建制派有利。

然而，若傳統泛民決定落場爭位，又會同本土派分薄票源，所以外界估計建制派有能力憑補選而贏得議席。不過，建制及傳統泛民雙方亦有不少適合人選，相信補選發生時將有一場惡鬥。

新界東方面，雖然以千票之微落敗的方國珊表示不會再參選，但新界東一向競爭激烈，潛在人選不少。好似連任失敗的工聯會鄧家彪早前已表明隨時預備參加補選，同樣連任失敗的新民主同盟范國威亦曾稱有重返議會的準備。至於本土派學者「國師」陳雲亦可能再參選。

九龍西方面，在超級區議會落敗的工聯會王國興或會再次轉區，但由於工聯會在新界東有頗大機會出選，相信派人參選兩個選區機會較低。除了工聯會，建制派仍有不少人選，例如民建聯油尖旺區議會主席葉傲冬，早前選舉他排在議員蔣麗芸名單的第二位。至於「去田北俊化」後的自由黨亦已回歸建制，所以在新界東落敗的深水埗區議員李梓敬亦係潛在人選之一。

非建制方面，以九龍西作為「老巢」的民協，或者會借補選一改目前喺立法會毫無代表嘅尷尬，其中轉戰新界西落敗嘅前議員馮檢基或會再次披甲上陣。如果一旦補選，睇嚟不論邊個陣營都有可能執到死雞進入議會，不過呢啲不必要嘅補選，講到尾都係浪費公帑囉！

※更多政經猛料、秘聞，請關注政Whats噏fb：

https://goo.gl/ndFQNz