惡婦不忿抄牌叫阿Sir食屎　遭市民圍插

一張牛肉乾睇清一個人嘅人格！揸車人士被抄牌罰款，的確會好揼心兼氣憤，但因為自己違反交通例在先，好多時唯有硬食無得出聲。不過對於一個蠻橫無理嘅女人嚟講，犯法？食得㗎？仲竟然無品到叫人食屎啦！

事緣網上今早瘋傳一段近3分鐘的影片，事發於昨午3時許，在德輔道西近威利麻街，一輛私家車疑切雙白線被交通警抄牌，一名中年婦人坐在副駕駛座上「發狼戾」，疑因不滿被抄牌，手指指狂鬧阿Sir，不斷重複「食屎啦」、「死佬」，其丈夫則站在駕駛座旁指手畫腳，圍觀的市民不滿該兩夫婦惡行，紛紛幫阿Sir拖，叫該中年婦「唔好嘈」、「收聲」。該惡婦不滿旁觀者「?牙聳䚗」，一度從車中取出長遮「揮舞」，想趕走眾人。

片中阿Sir雖被辱罵卻未有動怒，不慍不火地繼續抄牌，反而勸告旁觀的市民冷靜，不要與該兩夫婦爭吵，「唔好同佢嘈，我都唔出聲囉」。短片後段，該惡婦進一步升級，聲言不滿阿Sir抄牌抄得太耐，下車欲搶告票，更大聲怒罵「攞嚟啦死佬」。阿Sir見狀一手擋開，並着婦人冷靜稱：「我第一次警告你呀依家」，但該惡婦並未收斂，反嗆聲：「我第二次警告你呀，死佬」，更指要投訴阿Sir，不過旁觀市民聞言即指會幫阿Sir做證人，「成街證人喺到，你唔使驚」，圍觀巿民更大鬧該惡婦「好眉好貌生沙蝨」。

東網記者下午到涉事現場跟進事件，發現片中警員恰巧在該處。該警員姓張，隸屬港島交通部，他憶述昨日情況時指，該處屬交通黑點，昨午3時許正作日常巡邏，看到事主車輛有違規情況，才指示他們駕駛到路旁停下來，並作票控。

張Sir續指，整個過程約5至10分鐘，一開始女事主已表明很趕時間，張稱會盡快寫好告票讓兩人離開，但女事主情緒激動，要花很多時間向其解釋，事件中最擔心是女事主的安全，因當時有不少途人圍觀，當女事主拿出雨傘時更有人起哄，令場面尷尬。

---------------------------------

※ 全新的《myVEGAS Lucky來了》手機遊戲，送你免費演唱會門票、澳門豪華住宿、中環高級食肆套餐！ 免費玩、豪華賞！http://playluc.ky/mvlloncc