網民熱話：洋漢機上投訴太嘈　反被港女狂鬧

乘客買了機票，就有權享用機艙設施和服務，但同時亦需要遵守機上規則，不要肆無忌憚、影響到同機乘客。有空中服務員分享近日一次在機上工作經歷，提到在長途機上，有洋漢指摘前座一名港女揭雜誌太大聲，令人睡不着。該名港女反鬧不是自己的錯，更斥責洋漢及機艙服務員，強調「我畀咗錢」、「我有權」，貼文惹來熱議，大批人狠斥該涉事港女野蠻、「揚威」國際。

該航機由倫敦返香港，當時為晚上11時，全機超過九成人已關燈睡覺。一對香港情侶，女方開燈看雜誌，遭後座一名戴眼罩睡覺的洋漢投訴揭雜誌聲過大。空中服務員向女乘客表明來意後，對方反問：「OK，fine，你依家只需要答我三個問題。1. 我畀咗錢買依個位，我有冇權睇書？2. 我有冇權做我想做嘅嘢？3. 我有冇權開燈？」。最後雙方交涉無效，洋漢太累放棄與女乘客糾纏。

事件最終演變成網絡公審，不少網民留言鬧爆港女惡行，有人表示單從港女字面意思而言，她付了錢的確有權睇書，但洋漢也有付錢買機票，難道就沒有權安睡？況且，她現在是越權，對其他乘客造成不便，卻依然故我、聲大夾惡，反鬧他人不是，就證明此人修養極差。

網民有話說

Cecilia Tsang：有錢就坐私人飛機，有權做乜乜乜

Gilberto Kwan：單係睇文字都想星巴對情侶

Maymay Wong：問題1已經錯喇，唔通個鬼佬冇畀錢買位？要人哋就你戴耳塞，你就唔可以細聲少少？

John Leung：直接讓港女與老外爭執就是，之後一百客都會協助你解決事件。

Annabelle Ki Ng：其實揭書聲都幾煩擾 尤其喺一個咁安靜嘅環境 同埋揭書輕力少少又唔會蝕底 點解唔可以為人諗吓

※緊貼網民熱話，掌握最熱話題，請關注網民熱話fb：