每日一片：送外賣被走數　南亞人集體追薪

外賣送餐apps陸續進軍香港，雖然各自推出優惠吸客，卻不時聽聞有部份「接唔夠單」，生意未如理想。近日網上熱傳片段，有外賣送餐apps公司疑因拖欠薪金，一群相信是南亞人的「車手」速遞員追討無門，只能衝上辦事處抗議，他們一口純正廣東話夾雜地道粗口，令一眾網民大為驚嘆，亦紛紛留言支持他們爭取應得報酬。

片段開始時，只見約10名南亞人圍在一起，將數個印有公司名字的外賣速遞袋，大力丟在地上以示不滿，又指責該公司是「騙子(cheater)」。未幾拍片者着他們與負責人對談，鏡頭中央數人即怒氣沖沖地道出辛酸，表示現時只得「14蚊一日」，「食嘢都要50蚊啦」，當中又夾雜港式地道粗口如「你老X」等等。之後一眾「車手」一同舉手起哄，片段就此結束。

片中南亞人「同聲同氣」，引得大批網民留言支持，狠批僱主「無良」，「唔夠單又要充大頭鬼」，「有汗出，無糧出就係呢D」，又對他們的遭遇表示同情，「有單錢冇鐘錢，開足幾個鐘都冇一單......，全家冇飯開」，亦有人大讚他們的團結精神。