政Whats噏：學生幫做腸鏡 沈祖堯講笑驚穿
20161204
東網電視
更多新聞短片
沈祖堯舊年先開始做大腸檢查，形容過程十分尷尬。(朱晉呈攝)
中文大學校長沈祖堯近日修身成功，頻頻出席活動展現Fit到漏嘅身形。沈校長今日出席一個推廣大腸癌篩檢的活動，本身係腸胃科專家嘅佢，幫人做腸鏡就做咗好多次，但自己就舊年先開始做大腸檢查，形容過程十分尷尬，仲搞笑咁話：「係我嘅學生幫我做，真係好尷尬，又驚啲學生唔知會唔會篤穿我條腸。」但佢做完後十分滿意，仲話完全唔覺得已經切除咗息肉。
沈校長指肥胖(意即BMI指數高於24)、吸煙同有家族病史嘅人都係大腸癌高危一族，身形瘦咗成個碼嘅佢，肚腩都無埋，即刻驕傲咁認叻話：「(自己)近排減完肥，啱啱低過BMI 24，哈哈！」
鑑於香港腸癌個案有持續上升趨勢，近年政府極推廣關注大腸癌訊息，衞生署早前更開始推行大腸癌篩查先導計劃，香港中文大學9年前亦有資助部分市民做大腸癌篩檢，中大今日舉辦「大腸癌關注月」啟動禮，推廣大腸癌健康教育，本月將會以巴士巡遊方式遊走各區宣傳防治大腸癌訊息。
※更多政經猛料、秘聞，請關注政Whats噏fb：