撞斃Pizza員：家屬明見公司　冀早獲恩恤金

家浩猝然離世，其家庭經濟頓陷困境，郭父在勞工處安排下，明日上午10時將與家浩任職的Pizza Hut公司代表會面，他指：「希望喺恩恤金方面公司盡快有個決定，如果嗰筆錢多嘅，咁殮葬果度都可以做得好睇啲。」　

郭父向東網記者表示：「出事當晚有分區經理同咗我約時間，原定今日傾吓殮葬方面嘅事，但路祭後公司方面打畀我太太，話今日唔得閒，要再開會傾吓先，但就無約幾時傾番。」其後，郭父致電勞工處，主動要求協助，終安排了正式會面時間。

由於雙方今日沒有會面，協助家屬的工業傷亡權益會認為公司做法不合理，因而在fb專頁表示不滿。

Pizza Hut發言人解釋指，因事前沒有正式相約家屬今日會面，所以溝通上出現誤會，而今日路祭時有數名員工出席。公司將派員出席明早與家浩的家屬會面，商談善後安排，並設法提供協助。