南港島線今早正式通車，區內港鐵轉乘接駁小巴亦首天投入服務，惟現場所見黃竹坑站外的黃竹坑站公共運輸交匯處「拍烏蠅」。有小巴站長批評港鐵宣傳不足，如情況持續冷清只好「等執笠」。有上班市民指接駁小巴班次疏落，需排隊等候逾15分鐘；亦有來往醫院小巴線重組，令求診長者被迫於40分鐘車程轉三次小巴。

4條分別由香港仔、數碼港、石排灣及葛量洪醫院來往黃竹坑的小巴4M、5M、69A、59A，今早6時隨港鐵開通投入服務。該處小巴站長麥先生指，今早每隔10分鐘開一班車，惟乘搭接駁小巴人流不多，除受聖誕長假期影響，他直斥港鐵宣傳不足，對此感到不滿，他說：「指示牌咁細邊有人睇到？」他續稱，小巴公司是因應運輸署要求才特別開設接駁服務，共新增5架小巴及聘請司機：「老實講，我都係附近街坊，特登入黃竹坑駁多一程真係唔方便，港鐵又無轉乘優惠，成條南港島線好似只為海怡站而設。」

居於堅尼地城的76歲簡伯伯今早坐小巴到香港仔中心，再轉港鐵接駁小巴到達黃竹坑小巴站，之後再轉乘5M小巴到葛量洪醫院，十分不便。因應港鐵開通，原本每半小時一班由香港仔來往葛量洪醫院的5號小巴特別班次，改為由黃竹坑約15分鐘一班的5M恆常專線。

從石排灣出發至灣仔上班的陳先生則指，單是輪候接駁小巴已用了15至20分鐘，加上總車費比單程巴士貴5至6港元，「今日都係試搭，仲要睇下情況，可能都係搭番巴士。」

民主黨今早到各站進行人流統計，由上午7時至9時有5869人乘南港島線跨區到金鐘，當中僅211人經由黃竹坑轉乘港鐵，列車駛至黃竹坑站時亦未見滿載情況。南區區議員柴文瀚質疑，黃竹坑站公共交通交匯處耗資3270萬港元興建，港鐵應考慮有何方法增加使用人流，如推出轉乘優惠等。