每日一片：私家車街頭自燃？原來撞正通坑渠

政府廣告教落，淤塞的渠道會帶來煩惱，但通渠時阻住坑渠，煩惱可能更大！有網民於社交網站上載短片，指見到一輛停泊在路邊的私家車，車底位置正在冒煙，原來是車底下的坑渠正在通渠。不少網民看完短片後，紛紛花生友上身，笑指私家車事後一定「瀨屎咁臭」。

短片於今日凌晨上載至facebook群組「小心駕駛(討論別人駕駛態度)」。上載短片的網民指，早前行經柴灣利眾街時，見到一輛私家車車底冒煙，猶如自燃一樣。惟細看之下，發現私家車正停泊在一個坑渠口上，在街頭的另一部，則停泊着一部通渠車，工人正在通渠，估計帶有臭味的煙從坑渠飄上地面，造成煙霧彌漫的景象。

網民看過短片後，都一面倒恥笑車主，有人改寫電影經典金句，指車主「阻人通渠會俾人燒春雞㗎！」亦有網民為車主擔心，指通渠的臭味會滲入車內，久久不散，「架車一定臭到xx」、「聽朝車主上車就瀨屎咁臭」。