網民熱話：街頭借錢開鎖　扮嘢女柴灣密密呃

騙徒可惡，利用他人善心行騙更是可恥！有女網民於平安夜晚在柴灣消遣時，遇見一名20多歲少女，聲稱澳洲回流香港讀書，家住附近但忘記帶鎖匙未能返家，需借錢開鎖，好心網民將數百元借給少女後無回頭；網民得知被騙後曾報警求助，但竟遭警員反斥「無腦」及不受理，該網民氣結下將事發經過貼上facebook，驚覺區內亦有其他受害者。大批網民斥責「卿本佳人，奈何作賊」，亦批評警方愛理不理，令騙案頻生。

女網民Leung Bo在facebook「柴灣人柴灣事」貼文，指本月24日平安夜晚上11時，開車到柴灣環翠里興華商場外，一名年約24歲少女敲其車門，稱忘帶住所鎖匙，又指開鎖匠要先收取350港元才會到場，承諾返家後會即時還錢；女騙徒之後「加多幾錢肉緊」，稱全家移民澳洲20年，她最近回流香港讀書，無親人在港幫助等，期間又不經意地說一口流利英語，網民不虞有詐，「基於佢一個女仔又咁夜又凍，我信佢」，最終受騙。

受騙網民之後致電警署，惟接聽警員指她是出於自願借錢，警方不會受理，「佢(警方)仲話我冇用腦」。受騙網民的車cam曾拍到女騙徒，但未能清楚顯示模樣。

事件在facebook曝光後，不少柴灣區網民亦稱遇過同一女騙徒及中招，有網民指「有朋友借咗400畀佢，留咗個太空卡聯絡」、「我嗰次佢話自動櫃員機食咗卡，問我借錢」，其後更有人上載一張身份證照片，指早前亦中招借出金錢，女騙徒當時以拍下身份證作保證，但事後同樣無回頭，而受害女網民Leung Bo亦證實是同一個人。另外，大批網民留言稱該類街頭騙案愈來愈多，不滿警方輕視問題嚴重性，促加強巡查。

網民有話說

Catherine Cheng：後生細女，搞咁多動作，呃人幾百蚊，將心思做下正經嘢啦

Phoebe Chuck：就係呢d(啲)人，令到好多熱心助人既(嘅)香港人都改變。

Samantha Chan：識人借咗400，佢用太空卡聯絡

Ryan Chan：佢二週(周)前係部hang(壞)咗嘅自動櫃員機前用同一背景問我借，理由係部機食咭(卡)。

※緊貼網民熱話，掌握最熱話題，請關注網民熱話fb：

http://on.fb.me/1L3m1ro