警隊出揮春是是但但　護法紀寫錯護法記

尚有20天就到農曆新年，相信不少市民已準備購買過年物品，揮春更唔少得。為了迎接農曆新年，警方推出福字揮春添氣氛，但近日網上瘋傳一張秀茂坪警區的福字揮春，當中寫上的「護法紀」字樣，竟然寫錯為「護法記」，是是但但可見一斑！

網上瘋傳兩張福字揮春，看起來並無太大分別，頂頭有警隊標誌，中間則有大大個「福」字，兩旁則寫上「齊合力　護法紀」。

咦！咦！咦！仔細一睇發現有啲唔對路，其中一張竟然寫上「護法記」，「護法記」唔通係警方最新出版記錄「護法」嘅書？真係令人有啲?晒頭，「記」同「紀」字雖然真係好似，但係作為喜慶嘢，始終都係審視清楚好啲！話晒都係過年貼喺屋企好講意頭，希望警方以後細心啲咪再錯，唔係下次變「護髮記」就笑死人。

警方回覆指，照片所示的錯別字揮春是由秀茂坪警區，於2016年初印製以宣傳防罪訊息，發現問題後已印製另一批揮春代替，秀茂坪警區已提醒人員，印製宣傳品須確保內容準確無誤。

香港城市大學專業進修學院學術統籌宋立功批評，警隊言行影響外界印象，對寫錯字感到「匪夷所思」，反問紀律部隊「點解會寫錯個『紀』字？」更笑言是否有警員刻意寫錯，挖苦警隊內部無紀律。