政Whats噏：泛民又內訌　袋巾傑爛橙論捱轟

民主派在今屆特首選舉委員會手握超過300票，有能力提名兩位候選人參選或左右大局「造王」，但民主派內部對應否派人參選、應否提名或投票支持非民主派候選人，抑或透過投白票抗議小圈子選舉制度等，一直未能達成共識。身兼法律界選委的公民黨主席梁家傑(袋巾傑)今天(13日)在電台提出「爛橙論」，暗示民主派可能會支持相對政務司司長林鄭月娥「冇咁爛」的財政司司長曾俊華(鬍鬚曾)。社民連立法會議員梁國雄(長毛)就警告，若民主派提名或投票支持建制派候選人，「十年都唔使翻身」。

袋巾傑在節目中指出，林鄭月娥過往形象較接近公民社會，但自從「執梁振英二攤」後，整個人都變了，尤其在西九故宮館一役「露了底」，為令中央覺得自己「有料到」，林鄭繞過所有規矩，完全不顧香港一貫行事作風，民主派不可能支持以延續特首梁振英路線自居的候選人。

袋巾傑又指，鬍鬚曾雖然達不到民主派的期望，但社會上確有種一廂情願的民情，希望未來5年無為而治，休養生息，民主派有需要回應，認真思考300多名選委如何處理特首選舉，「無論係佢(曾俊華)夠Hea，抑或做得冇咁橫蠻、有啲規矩......爛橙中揀一個，的確係揀曾俊華」。

曾經表態有意參選特首的長毛則反駁，若民主派將選票授權建制派候選人，「十年都唔使翻身」，甚至會令民主運動中最有信念的人離開。他相信曾俊華已夠票入閘參選，民主派選委不應為他人作嫁衣裳。

其實長毛都說得有道理，既然全部都是爛橙，不吃也罷！為何一定要揀呢？東網早前拍到鬍鬚曾與壹傳媒黎智英(漢奸黎)的親友在司長官邸密會3個半小時，令人懷疑漢奸黎正暗中支持鬍鬚曾。不知袋巾傑突然提出「爛橙論」，與作為民主派最大金主的漢奸黎有沒有關連呢？

※更多政經猛料、秘聞，請關注政Whats噏fb：

https://goo.gl/ndFQNz