服務網站代上頭炷香　接21訂單半數屬海外

新正頭上頭炷香例必人頭湧湧，有苦自己知，有網上服務配對平台HelloToby今年就推出「代上頭炷香」服務，每炷香收成本價288港元。排隊上香都可「假手於人」，善信大可不出家門，也可祈求雞年事事順境。

HelloToby首席執行官譚君傑表示，短短1星期就接獲21張訂單，半數來自海外，其餘亦包括長者及單身人士，他說：「有啲人想求桃花，但係怕畀人影到！」他稱收費完全是成本價，包括車馬費、時間及香錢，笑言找不到專業上香員，惟有出動8名員工，當中4人擔任頭炷香專員，屆時會佩戴雞年飾物，希望「攞個好意頭，雞年行好運！」

譚君傑笑言，傳統上頭炷香當然「應該自己嚟，但有啲人有心冇力，例如啲華僑有份心意，我哋希望幫到佢哋。」其中1名頭炷香專員黃小姐則說，事前已透過電話與客人聯絡了解他們的願望，部分更加提供了時辰八字，以防黃大仙「送錯福」。至於會否順便為自己祈福，黃打趣指肩負了5人願望，「已經好忙㗎喇！」