政Whats噏：社民連抽水　旺角擺檔賣關東煮

去年大年初一晚在旺角發生暴亂事件，事隔1年，旺角朗豪坊一帶在晚上有約20檔熟食小販檔。在晚上近11時，社民連數名成員到場擺檔賣關東煮，但有街坊試食後批評「冇乜味」、「蘿蔔唔夠甜」、「蝦餅唔夠甜」。

社民連主席吳文遠、副主席黃浩銘等數名成員「拉車仔」擺賣，吳文遠指該輛「車仔」是他一手一腳製作。黃浩銘稱，其產品名為「開心關東煮」，希望大家吃過後會開開心心。他更戲言，該湯底是由年廿五開始「淆」，故味道會十分濃郁。

當成功煮起時，吳文遠更即場邀請現場人士試食第一碗，同時亦詢問應如何定價。他更向現場小朋友開玩笑說「拎個利是封出來」，不過被該小孩的家長糾正是「利是」而非「利是封」。

經東網記者試食後，其實並非「冇味」，而且蘿蔔亦夠「腍」。

※更多政經猛料、秘聞，請關注政Whats噏fb：

https://goo.gl/ndFQNz