你要知：情人送花要鬥多？達人拆解鮮花蜜語

情人節就快到，一束絢麗綻放的鮮花，必定令女孩子甜在心頭。不過，不同鮮花的顏色及數量其實各有含意，愈大束花愈好？送花是否一定要送玫瑰？有花藝達人教路，送花最重要了解對方的喜好，數量多並不代表你對另一半的愛更多，只要花點心思揀啱適合對方的鮮花，不論數量多少，都能令情人甜到入心。

送花幾近是情人節的指定動作，不過相信每年都令男士們非常「頭痕」。到花墟訂購情人節花束的Jason表示，「今次係第一次買花，未諗到買咩呀，冇咩概念。」另一位買花者陳先生亦指，「係女仔應該都鍾意花，冇乜計劃呀，靚就會買。唔知唔同支數有咩意思呀，好似9支係代表長長久久。」

要買一束令女方心花怒放的花，男方要預早訂花，做足準備。但怎樣的花才是最靚？「大大紮唔代表好，反而會有好土豪嘅感覺。」花道館創作總監梁偉怡提醒，「最重要係襯番個人，女仔可以拎得到嘅花，而唔係大大紮最後都係個男仔拎住。」

梁偉怡又指，若送玫瑰就要小心數量及顏色。他解釋，1支玫瑰代表一見鍾情、2支代表互相傾慕、3支代表我愛你、9支代表長長久久、10支代表你是完美的、11支代表你是值得我珍惜的人、12支代表成為我的情人。不過，數量未必愈多愈啱，因為13支是代表友誼永固，15枝則代表十分對不起，不適合送給情人，不要搞錯。

顏色方面都要注意，紅色、粉色及白色都適合，不過就不要選擇代表友情的黃色，以及代表死亡的黑玫瑰。另外，他亦不建議選擇藍色，因為藍色的玫瑰是從染色得來，並非原本顏色，代表對對方的愛不是真的，同時藍色亦不是代表愛情的顏色。除玫瑰外，其實鬱金香及相思都代表愛情，適合送給情人。若然與另一半一起多年或已結婚，可考慮送繡球花及洋桔梗，代表承諾及不變的愛。

如果想特別一點，更可送與女方姓名相同的花種，例如Erica、Veronica及Iris等。鮮花外，亦可送保鮮花，可以存放8至10年。以上花種，就沒有顏色及數量的限制。而女孩子收花後要保存更久，記緊「要剪腳，剪去乾咗或者感染細菌嘅部分，之後插水，隔日換水，就可以保存耐啲啦。」

女人心海底針，究竟女方又想收到甚麼花？鄭小姐說：「我想收仙人掌，因為唔鍾意玫瑰花。」想博得紅顏一笑，最重要收集另一半的喜好及對花是否有敏感，送花未必是最好的選擇。梁笑指，「情人節要送花之外，亦係一個好時間了解你嘅另一半。」