周六福定周大福？名創優品定無印良品？近年疑似山寨的國產品牌大舉攻港，連有80幾年歷史的樂高LEGO都不能倖免，成為抄襲對象！

走進有「玩具街」之稱的深水埗福榮街，無論街邊攤販還是商舖，幾乎全部都有賣疑似LEGO積木。睇真啲，印簡體字嘅？原來叫「樂拼」，洋名「LEPIN」。

價錢平樂高一半或以上的樂拼積木，由商標、包裝、到產品設計，都似足樂高，只不過系列名稱經過「優化」。星球大戰「STAR WARS」變「STAR WNRS」、「TECHNIC」變「TECHNICS」、「FACTORY」變「FACTORYS」。

《港呢啲》記者以顧客身份，向老闆查詢。對方盛讚樂拼質素拍得住樂高，而且兩個品牌積木可以互聯互通，任砌。他又指，不少樂高迷都會幫襯樂拼。樂高用來收藏，樂拼用來玩。

記者購入樂拼和樂高小丑車各一盒，驚嘆樂拼出品幾可亂真，造工精細。拿出街作街頭測試，大部分市民都難分真偽。想知樂拼有幾高仿，市民又有乜反應，立即去片！

※下集預告※

- 樂拼定樂高？LEGO高層都認錯

- 25年經驗LEGO達人砌樂拼搲晒頭

- 大律師提醒，買樂拼隨時犯法

==================

《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC

==================

想聽歌？想睇MTV？想了解本地Indie Band資訊，快啲click入「聲大夾樂」專頁：http://on.cc/musicon