政Whats噏：曾俊華怕整傷膝 拒探天台戶
20170311
東網電視
更多新聞短片
曾俊華(左)探訪劏房居民時也要行樓梯，睇落似乎行得幾辛苦。(關注基層住屋聯席提供)
特首選戰已進入大直路，三位候選人頻頻落區做騷，有求必應，幾近「托塔都得」。不過，關注基層住屋聯席相約其中一位候選人曾俊華(鬍鬚曾)，今日(11日)落區探訪劏房居民及天台戶居民時，鬍鬚曾就好似出席選舉論壇咁，選擇性只探訪劏房居民，拒絕探訪天台戶居民。點解？聯席引述鬍鬚曾嘅競選團隊，指「曾俊華先生心臟及膝蓋狀況不佳」，所以決定唔上天台。
鬍鬚曾在2009年曾進行俗稱「通波仔」嘅通血管心臟手術，佢今年1月宣布參選特首時，已有記者追問佢嘅健康狀況，當時佢就回應話，好多人問佢心臟係咪頂得順，最好就同佢打場交，咁就知佢心臟好成點喎。依家佢連幾層樓梯都行唔到，唔通係心臟病舊患復發？
鬍鬚曾競選辦晚上澄清，承認佢哋的確係同聯席方面講過，話間天台屋有成8層樓咁高，又冇電梯，為免整傷膝蓋舊患，佢先決定唔做。期間冇講過係因為心臟問題，強調鬍鬚曾嘅心臟情況健康正常！特首候選人還有林鄭月娥及胡國興。
※更多政經猛料、秘聞，請關注政Whats噏fb：