我有正能量：代購好餸　傷健共融

對於行動不便的長者、殘疾人士或者時間有限的上班一族來說，想買餸煮一餐「住家飯」並非易事，尤其是去年馬灣未有街市，居民要「長途跋涉」出荃灣買菜，於是Eva發揮鄰舍守望相助精神，為街坊集體代購餸菜，更發展成聘用多名殘疾人士的非牟利組織，以成本價將新鮮食材送到街坊家中，同時宣揚傷健共融的訊息。

「嗰時馬灣仲未有街市，好多老人家、身體唔方便嘅殘疾人士、或者有啲街坊要返工冇咩時間買餸，我哋幾個隔離鄰舍咪開始試吓集齊啲單，幫手代購囉。」「好餸」創辦人Eva憶述，當時馬灣的居民動輒要花個多小時到青衣或荃灣買菜，非常不便，故食材代購服務一推出便大受歡迎，「我哋只係收返食材錢同車費，而且食材全部獨立包裝，客人食都食得放心啲。」

馬灣去年才有人承辦首個鮮活市集，島內居民終於多了個買餸選擇，Eva趁機擴充，將服務推至全港，「訂單接多咗，人手都要相應增加，於是我哋透過一啲傷健團體聘用殘疾人士，希望其他人見到都可以同我哋一樣，可以畀到工作機會佢哋，幫到弱勢社群。」

Eva指，現時接收訂單、食材包裝及送貨服務，均由殘疾人士一手包辦，他們的效率之高，令Eva大為滿意，「可能一開始要花啲時間教佢哋，但喺佢哋好肯學，同好肯花時間去諗點樣可以做到件事，依家我哋多數做到客人今日落單，聽日就可以送到佢哋手上。」

工場內，Louie和小玲可謂合作無間，她們雖患有視障，Louie一邊聆聽電話語音「柯打」，一邊密密手將收到的訂單輸入電腦，小玲則按訂單將不同食材包裝好。「可以做到客人嘅要求，準時將食物送到佢哋手上就會好滿足。」

而負責送貨的阿良是視聽障人士，為克服身體上的不便，每日送貨前，他都會預先搜查不同的乘車路線和制定落車後的路線，家住元朗的他更十分自信，笑言：「元朗、天水圍同屯門，我都一定可準時送到貨畀客人㗎！」

---------------------------------

想聽歌？想睇MTV？想了解本地Indie Band資訊，快啲click入「聲大夾樂」專頁：http://on.cc/musicon