網民熱話：阿仔叫咩名！霸氣大嬸KO電騙賊
20170404
東網電視
更多新聞短片
大嬸識破是電騙，在電話中不時愚弄對方。(「將軍澳」fb)
正所謂「畀騙徒呃一蚊都嫌多」，但奈何電話騙案仍不斷發生，網上最新流傳一段「債主」與債仔母親電話對話影片，聲稱其兒子因拖欠20萬港元未還，已遭囚禁，但片中大嬸明顯已識破是電騙，在電話中不時愚弄對方，「20萬咁多，我見都未見過啦」、「長命債咪長命還囉」，終令騙徒無功而還，爆粗發洩，最後掛線敗退。
在社交網站facebook專頁「將軍澳」流傳的三分鐘電騙影片，甫開始已見一名穿睡衣大嬸與騙徒對話，電話筒傳來一把中年男子聲音，聲稱已囚禁她的兒子，要她代為還債20萬港元，「妳有心救佢(兒子)，就照我說話做。」但其實大嬸一早已識破是騙局呃錢，說話語氣比騙徒更惡，稱「霎時間點搵20萬畀你呀，你估200蚊咩？」相反，該騙徒似是道行未夠，語氣轉趨溫和，「咁妳無錢可以慢慢商量嘅，妳有幾多呀？」最後大嬸突然要對方講出兒子的姓名，騙徒啞口未能答出，大嬸繼續狂鬧對方一輪，騙徒只好掛線。
不少網民大讚該大嬸醒目，認為若每個人都好似她咁醒，會少好多財物損失，「呢位嬸嬸叻過好多博士碩士」，更有網民建議警方將有關片段安排在《警訊》中播放，相信有警惕作用。
網民有話說
Peter Ng：叻過護士大學講師
Kwong Kwong：夠霸氣！勁！！
Daniel Tai：連欠債人個名都噏唔倒(到)。
龍天：阿姐食鹽多過你食米啦，笨賊
Jeffrey To：又係「瑞士山區肺」啲friend...
※緊貼網民熱話，掌握最熱話題，請關注網民熱話fb：