你要知：行山帶浴簾　8招傍身唔怕走失

「地圖，有！指南針，有！......」行山遠足近年成為港人的熱門活動之一，經典電視廣告提醒行山人士要做足準備，對白耳熟能詳，但欠缺經驗的行山人士，依然未有充足準備就挑戰高難度山嶺。民安隊數據顯示，過往5年共拯救1200多名行山客，當中「迷路、被困、失蹤」3類佔73%。有山藝及攀岩教練指，要避免意外，做足準備固然重要，若不幸迷路，亦有技巧應對。想行山過一個愉快的周末，學識行山8大須知，和帶備一些「法寶」傍身，就算迷路都無有怕。

「地圖帶咗好多人唔識睇，依啲資料仲好，又有相，仲方便。」山藝及攀岩教練梁念豪指，要防止迷路，首先，可攜帶郊區地圖或政府網頁搜尋相關山路的資訊，打印出來並攜帶在身。亦可用電話拍低沿途的山路或標誌，記住走過的路線。「唔識路可以行返轉頭，行返去起點」。第2，要帶電話充電器，確保電話有電：「電話不停搜尋網絡，好快無電，如果迷路，消防、警察都會不停打電話確認位置，無電就會失聯。」

第3，行山人數亦有要求，互相照應十分重要，最好4個人一齊行山。萬一有意外有人受傷，其中一個人可以留低照顧傷者，其餘兩個人可下山找人求救。

第4，要帶備長袖衫及外套，流汗之後可以換衫，避免着涼。若不幸迷路，入夜氣溫下降，亦可保暖。第5，為不時之需，要帶備浴簾，可發揮3大用途，包括當作地蓆、遮雨及遮太陽之用。「輕、薄、平係重點，迷路嘅時候，可以將浴簾綁喺樹上面，落雨都唔使驚。」另外，等候救援時，可坐於背包上防止着涼，因背包為絕緣體，亦可避免被閃電劈中。

裝備齊全外，水及糧食亦十分關鍵，食物方面可帶包裝糖水，渣渣為不錯選擇。「要有水分，唔好食餅乾，嗰啲太乾，要飲水，渣渣有糖又有豆，又有碳水化合物，可以頂到一晚。」

意外為意料之外，所以一定要帶救傷包，包括要有消毒藥水、手套、膠布、三角巾及太空墊等。藥物方面，止瀉丸十分重要，因郊野地區沒有洗手間，若肚瀉就十分麻煩。最後，帶頭燈及哨子，作照明及求救之用外，亦可令救援人員更易搜救。

有關物品最好用膠袋袋住，以免被雨水及汗水弄濕。而記者採訪當日，到上月消防總隊目邱少明因搜救被困行山人士而發生意外的位置附近，發現仍有不少行山客不顧安危，於懸崖邊拍照，險象環生。梁強調，行山講求天時、地利及人和：「要睇自己嘅體能、天氣同埋裝備等等。」大家記緊要行山，就要有充足準備。