暖男救貓：愛心消防相信與牠有緣盼收養　　

在公路逆線奔走百米勇救花貓的獲全城讚賞的姓郭鐵騎士，洋名Kevin，任職消防員約10年，現駐守長洲滅火輪消防局。他事後親述救貓記及感受時稱，自己前行一段路後決定停車折返，果然發現一隻花貓，且仍然生存，坦言：「估唔到喺我返轉頭期間果30至40秒佢都無畀車車到，係一件好好彩嘅事！」

Kevin憶述：「抱起佢果時不斷叫，直至我上車放佢喺安全地方先無再叫，一直都好乖。」他透露，過往有救貓及救狗經驗，但休班救貓則是首次，經歷非常深刻。被問及有否擔心自身安全，Kevin就認為當時情況「唔算太危險」，因當時正值繁忙時間塞車，故車輛車速較慢，又謙稱：「相信大家見到係隻貓都會救，只係今次我咁好彩見到，相信大家都會做呢件好心好事！」

Kevin坦言：「今朝有諗過係一個緣份，想領養佢，但放係公司無嘢畀到佢，連奶咀、奶粉同食物都畀唔到，仲要聽朝9點先收工，期間又要出勤，照顧唔到佢。」故決定通知貓義工將牠接走，不過他之後已再聯絡該貓義工，表示有意領養，但會先衡量自己是否有足夠的時間及空間領養。剛於上月結婚的Kevin，其妻子亦在facebook分享丈夫的新聞，更留言：「點解我老公咁有型，高大威猛又有愛心！」