暖男救貓：東網直撃開路　記者：真係危險㗎

早上7時許，東網記者蘇偉明在獅隧公路上，突然見到一名戴着頭盔的男子，在車水馬龍的快線上逆線步行。一眾司機見狀，立即收慢車速，以免釀成意外。蘇偉明當時沒有想過，鐵騎士冒死穿梭公路，只為拯救無辜貓咪。

「佢執完(貓咪)之後，我開頭只係見到啡色一舊嘢，後嚟先見到係隻貓。」蘇偉明憶述，鐵騎暖男當時冒着細雨，沿快線折返取車，「但好耐都唔見佢架車，嗰度起碼成百米。」

這100米路程，除了讓受驚過度的貓咪獲得鐵騎士悉心保護，尾隨車輛看見此情此景，亦默默配合，護送暖男走過沙塵滾滾的公路。「佢截停我架車，我於是就慢慢行，幫佢擋開後面啲車囉，幫佢開路。」正值上班繁忙時間，許多車輛受事件影響而要收慢，但無人鼓譟。緩緩推進，見證人間有情。「成個過程冇車響過按，一架都冇！」

事件圓滿結束，來回地獄又折返人間的小貓，已獲好心人領養。見證貓咪生死的蘇偉明，亦笑逐顏開：「我覺得好開心好開心...隻貓好好彩呀，遇到佢(鐵騎士)。」但他說，希望鐵騎暖男下次遇見同類事件，務必注意安全，「當時真係危險㗎！」