每日一片：躁男港鐵狂拍玻璃　要搵先達出口

路在口邊，隔着玻璃又可否問到答案？近日網上流傳一段影片，一名孭背囊的男子在旺角港鐵站內，不斷拍打客務中心的玻璃，又爬高內望，隔着玻璃大聲向中心內職員查詢如何前往先達廣場出口，他不滿職員未有回應，不斷拍打玻璃和大叫，驚動其他港鐵職員介入調停。

片段一開始，就見該男子站在客務中心的旁邊，一臉怒氣不斷拍打玻璃，並向客務中心內的職員大叫：「先達邊個出口呀？」他的舉動令在場市民側目，有好心市民上前着他要在客務中心窗口處排隊，才能詢問到職員，但他未有理會，繼續拍打玻璃向中心內職員大叫：「吓，你係咪香港人嚟？」

未幾一名港鐵女職員上前向他說：「先生，先達係D2出口。」但未有減低他的怒意，他質問女職員：「點解佢唔講畀我聽呀？」女職員解釋該同事「做緊嘢」，男子又高呼「我想投訴佢呀」，未幾大罵客務中心職員：「你唔講嘢？」、「黐線，佢唔講嘢嘅？佢啞嘅係咪呀，我想投訴佢，叫咩名呀。」

女職員耐心解釋仍未能將他平復，他繼而走到客務中心的窗口與該職員對質：「你D2唔識講呀？」此時，另一名男職員亦上前介入，男子繼續大叫「我問佢嘢佢唔講嘢喎」，職員向他解釋中心內有隔聲設備，查詢要到窗口有喇叭位置職員才會聽到，男子仍非常不滿，再拍打客務中心枱面幾下，之後離開，但仍邊行邊說「黐線佢唔睬我喎」，職員再講解是感應問題，他仍表現氣忿說：「無寫喎」。

對男子大鬧港鐵站，網民都戥港鐵職員受氣感到不值，又指該男子「使乜咁躁，學下睇水牌自己揾路！」但亦有人指「咁野蠻連排隊去問路都唔識排！邊會識睇字！」又着該男子應放鬆點，才能解決問題。