網民熱話：司機拓海上身　單邊轆爬頭越兩線

香港地人多車多，司機趕時間起上嚟要爬頭真係無所不用其極，但以下嘅爬頭方法相當危險，切勿模仿。近日網上流傳一條車cam片段，一輛白色私家車從車頭右邊爬頭，左邊車轆飛起只用右邊轆超車，手法純熟如車手，令網民展開熱烈討論。

網民Sam Mak在facebook專頁「小心駕駛(討論別人駕駛態度)」上載一段16秒長的片段，片段中車Cam片中的司機正在公路上行駛，正打算扭軚向左切線時，鏡頭右方突然見到一輛白色私家車以高速爬頭，私家車更只以右邊轆凌空行走，像差點會翻倒失事，狀甚驚險，最後安全地駛越兩線着地，幸未有招致意外。片段上載半小時後獲過千網民讚好。

不少網民對司機的駕駛技術嘖嘖稱奇，有網民讚揚私家車司機落地後再加速，簡直如漫畫中車手藤原拓海，叫其他網友學嘢。亦有網民質疑現場是否在拍戲，或是汽車商賣廣告。不過，有網民則表示嚇餐死，希望司機顧及其他道路使用者安全。

網民有話說

Cal Kong：名副其實嘅險過剃頭

Jill Chiu：其實樓主都好波架，處變不驚。畀我要停低架車笑完先可以再開車

Bosco Chan：快線係自己創造出嚟

※緊貼網民熱話，掌握最熱話題，請關注網民熱話fb：