你要知:愈食愈瘦?揭負卡路里食物神奇之謎

2017年05月20日 07:00
東網電視
更多新聞短片
坊間流傳負卡路里食物會愈食愈瘦,到底真定假?

夏天就快到,冬天衫不能夠再成為肥膏的掩護,不少女士都嚴厲實行減肥計劃。網上流傳多種減肥方法,其中進食負卡路里食物,聲稱可邊吃邊消耗卡路里,最近大受歡迎。不過,有營養師指,此方法並無科學根據。要健康減肥並無捷徑,均衡飲食外,亦要做足帶氧運動。

進食負卡路里食物減肥,意思是人體消化食物所需的能量,超出食物為人體帶來的卡路里。坊間流傳的負卡路里食物,包括西芹、生菜、蘋果、青瓜、西柚、檸檬及西蘭花等。大家又有無聽過?「有聽過呢個方法,都有諗過試。」不過,潘小姐指,只進食負卡路里食物對她來說太辛苦,難以忍口。林小姐就表示,「未必會試呢個方法,都係做運動好啲。」

營養師黃芷晴指,進食負卡路里食物減肥並無根據。「身體消化呢啲食物嘅能量其實好少,暫時無科學研究去證實。

進食負卡路里食物減肥,隨時得不償失。黃強調,長期只進食負卡路里食物,會導致缺乏對身體十分重要的營養素,如蛋白質、鐵質及鈣質,而導致營養不良。「身體會因為流失肌肉量,減慢新陳代謝,減重速度只會更加慢,並唔係持久同有效嘅減肥方法。」另外,負卡路里食物含豐富鉀質,有助降血壓,血壓偏低人士要特別注意,切勿過量進食蔬果,有機會暈倒。

不過,只要進食負卡路里食物同時,再配合均衡飲食,其實亦有助減重。「負卡路里食物作為均衡飲食嘅一部分係可以,減重食呢啲食物,因為本身纖維高,可增加飽肚感,所以都可以令減重人士避免因為太肚餓,食咗啲高熱量嘅食物。」

她提醒一眾希望減肥人士,午餐、晚餐都需有五穀類食物,如粥粉麵飯或者麵包,以及蛋白質,再配合蔬果。「唔好一餐食好少,淨係食水果,三餐都要平衡,如果食太少,太肚餓,下一餐食啲高熱量嘅嘢,唔持久又無效。」

想夏天有健美身形,黃指,「只要每日進食嘅熱量少過消耗嘅熱量,自然就可以有效減磅,通常要減一磅就要消耗3500卡路里。」她警告,減磅要配合均衡飲食及帶氧運動,才可有效及持久地減磅,切勿盲目跟隨網上流傳的減肥方法。