網民熱話：巴士站頭水浸 車長舀水好搞笑
20170525
東網電視
更多新聞短片
兩名車長用膠桶舀走雨水，動作一致甚有默契。(facebook「柏斯敦巴士台plaxtonl'sBusPage」專頁)
昨日黑雨來襲有幾勁？除咗令香港周圍有水浸，連巴士車長休息室都無法倖免！近日網上流傳一條片段，有人用手機拍下兩名車長在站頭休息室內，霸氣地用膠桶舀走雨水，兩名車長動作一致，甚有默契。
在facebook群組「柏斯敦巴士台plaxtonl'sBusPage」上載一段片長26秒的手機短片，地點在筲箕灣巴士總站休息室，因暴雨令大量雨水湧入休息室，水高及膝，導致跳掣周圍漆黑一片。兩名車長要用膠桶將水撥離休息室，畫面所見，前方車長努力用紅色膠桶舀水出休息室，後方車長就跪在梳化，手持膠桶撥走積水。片段中，拍片者大叫「捉魚啊，喂，捉魚啊」，同時見到後方車長邊撥邊笑，二人合力將水撥走，場面搞笑。
不少網民對二人行為各有意見，有網民笑稱後方車長「揸流灘」，懷疑他未盡全力，似細路仔玩水；另有網民將重點放喺休息室內環境，覺得幾正。點都好，暴雨下可回顧昔日捉魚片段，都算係苦中作樂！
網民有話說
WalkerChun：臨時演員都係演員，精神D(啲)！
ChrisTse：後面嗰個撥得好辛苦
VivianWoo：辛苦晒，站長
※緊貼網民熱話，掌握最熱話題請關注on.ccfb：