業主注意！拆牆裝落地玻璃隨時全幢賠錢

嫌屋企窗戶細，有人選擇「打破局限」，拆走大廈部分外牆，把原有細窗改裝成大玻璃窗。到底拆牆改窗有否暗藏塌樓危機？

近日在facebook群組「西環變幻時」，有網民熱議堅尼地城一大廈，有住戶裝上特大玻璃窗，質疑是否違法改裝。《港呢啲》嘗試上門聯絡業主，惟單位無人應門，但發現附近大廈亦有類似情況。部分對海單位不但換窗，甚至有人加裝窗戶。

「好驚舊樓會冧！」不少街坊聽聞有人改裝大窗後，表示擔憂。有人更指擔心大玻璃窗承受不住強風，隨時爆窗跌落樓！

對於街坊紛紛喊驚，香港工程師學會前會長黃澤恩表示只要工程跟足程序，問題不大。不過業主需向屋宇署入則申請，並由合資格人士施工，否則即屬違法。違法改裝有機會影響結構安全，如果玻璃窗跌下來弄傷途人，大廈的業主立案法團隨時要承擔風險，「如果傷者要告業主，有機會告埋大廈法團和物業管理公司，其他住戶無辜受累。」

想知改裝仲有咩危險？一片睇晒。

--------------------------------

《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC