潮Buy:搶攻一田購物優惠日 着數率先睇

20170526
東網電視
更多新聞短片
半年一度的一田購物優惠日,今日正式開始。
【特約報道】半年一度、萬眾期待嘅一田購物優惠日又嚟喇!活動由今日起至5月30日,於6間分店舉行,今年更首次加開3個特別展場,方便大家瘋狂掃貨。全店過萬件獨家新貨,以低至近1折起「爆」低價發售,勢必掀起搶貨熱潮。東網特別為大家準備掃貨攻略同精選貨品,等大家可以輕鬆買得心頭好。
一田購物優惠日今日正式開始,不過昨日喺九龍灣國際展貿中心嘅臨時展場,就特別提早一日開場,吸引大批市民到場掃貨。好多市民都搶先買到心儀貨品,其中,鄧先生專登喺前一晚嘅10點已經到場,希望可以買到限定嘅特價電視機,又打算花約3千元,購買電器。張小姐則買了奶樽等嬰兒用品,又打算選購護膚品,「預算會使500至1000蚊。」
想知有咩最抵買?同埋有咩額外優惠?咁就要即睇以下攻略同精選貨品!
邊間分店有優惠?
活動期間,大埔、荃灣、新蒲崗、屯門及觀塘分店都有優惠,沙田分店3樓繼續勁減,2樓只發售行李用品及床品。另外,今年更加開九龍灣國際展貿中心(九展)、將軍澳東港城以及旺角MOKO特別展場,方便大家掃貨。
點買先最抵?
優惠期間,每日都會有唔同嘅精選貨品,以30/5為例,FROZEN雪條及沙冰機/雪糕機就由原價$279.9-$299.9,激減至$99。大家出發掃貨前,記得上一田購物優惠日專頁,睇吓有冇當日心水嘅精選貨品。
有咩必買貨品?
一田購物優惠日最搶手嘅當然係萌爆Character床品同行李喼,包括大人細路至愛的蠟筆小新、Line Friends,經典角色Pochacco、食鬼,仲有最潮嘅Craftholic等,都以近3折起限量發售,各位粉絲千祈唔好錯過。在家中更可以潮着Sailor Moon家居服、龍珠和式睡衣大玩cosplay化身卡通人物!
另外,精明廚神就必搶Colourful夢幻廚界神器、「買鑊送煲」套裝,名牌廚具好似Fissler、WOLL全部都係2折至6折;配搭32折起超市鮮味食材、人氣歐日韓潮食,入廚無難度!
夏日殺埋身,愛靚一族又點可以錯過多款名牌防曬美妝產品。優惠期間,一田以3折起發售30多款歐美日韓名牌美妝護膚品,包括Shiseido、Elizabeth Arden等。而對抗炎夏必備的SOFINA潤白美肌防曬護膚套裝,就由原價$708,勁減至$230,只係原價嘅33折,又有多個藉口扮靚靚喇!
抗熱涼夏家電一樣要做好換季準備!其中DYSON座地式無扇葉風扇,就由原價$4880,勁減至$2980,而且每店只限售40部,真係手快有手慢無。而多款夏日戶外活動產品都以特價發售,推介Marine Club精選泳衣,由原價$799-$899,勁減至$99-$159,只係原價嘅13折,真係超抵!
買咗好多嘢點好?
優惠咁抵,好易就會買咗好多嘢,不過都唔使驚拎唔到返屋企!活動期間,九展展場特設GOGOVAN專櫃,今日首100名電子消費購物滿$2,000的顧客,更可享免費連人帶貨送回家服務;而每日首300名電子消費購物滿$1,000的顧客,亦可享$20 GOGOVAN優惠。
邊張信用卡有額外優惠?
於九展、沙田、大埔及荃灣店,以一田信用卡累積簽賬滿$1800,即可換領$50一田現金優惠券;而喺新蒲崗、屯門、觀塘、旺角MOKO特別展場及將軍澳東港城特別展場,以一田信用卡累積簽賬滿$500,即可換領$30一田現金優惠券,上述兩項優惠均是每卡每日最多可換4張。
一田購物優惠日專頁:www.yata.hk/vip