黑雨禁外出無飯食　官校生千字文轟安排失當

前日(24日)香港暴雨連連，天文台先後發出今年首個紅色及黑色暴雨警告信號，部分地區每小時更錄得超過300毫米雨量。不少已上學的學生被迫留在學校，午飯時間亦未能外出用膳，屯門一間官立中學就有學生在網上炮轟校方安排失當，令到部分高年級學生「餓到喊，餓到就嚟暈」。

有學生在facebook專頁「名校 Secrets」發貼，撰寫千字文怒斥學校，指學校的午飯時間為中午12時25分，當時黑雨仍然懸掛，惟5分鐘後，即12時半天文台改發黃雨，校方卻仍不允許學生出外午餐，稱會幫學生訂飯，但校方只向兩間餐廳訂全校師生的飯量，而附近至少有40間餐廳可選擇，最終令部分F.4學生要餓到接近下午2時才有飯食，或者直接餓到放學都冇嘢食，更有F.5學生乜都冇得食，但全體老師都有飯食。貼文質疑：「點解老師有得食，高form冇得食？歧視？高form冇人權？低form個個係寶係發育時期唔餓得，高form就係草係成年人發完育？」

不過亦有另一間學校的學生，在同一專頁發貼讚賞學校的安排，指當學校知道天文台發出黑雨後，即開會商討全校師生的午飯安排，最後決定由全校校工冒雨到附近食肆，購買數百個飯盒及漢堡包回校，然後分批派給學生和老師，學生優先領取。貼文指，部分學生雖只獲分派到一個漢堡包，直言「以一個正常中學生嚟講，一個包邊會夠食」，但認為「成件事喺好短時間就搞掂，雖然唔係個個都可以食到飽，但係都有得食。」亦理解在當時如此緊迫的情況下，學校已經做得好好，值得表揚。