公眾泊車位有限，一名女司機苦候半小時，終等到有車駛離泊車位，滿心歡喜之際，卻殺出一名不速之客，駕駛七人車欲進入泊車位，女司機開聲阻止，七人車車上的男司機以不知有人排隊為由，再扮有風度指會將泊車位讓出，結果被附近的正義司機圍攻。

短片前晚約7時拍攝，地點是大埔墟一公眾露天泊車位。當時女司機見到七人車插隊後，即時響按，向剛落車了解事件的七人車司機說：「個個喺度排隊你咁樣攝入嚟？」男司機則說：「哦，原來你排緊隊，我讓你（泊車位）唔緊要。」女司機指正他用語：「唔係你讓我呀。」男司機則指女司機的座駕位置不似在排隊等待泊車位，「畀你泊唔緊要。」

七人車司機的行為，惹起其他同樣在等候泊車位的司機不滿，紛紛出言幫口，要七人車司機駛走，「輪都唔輪到你排啦。」之後七人車司機在群眾壓力下駛離現場。

網友睇片後，指七人車司機行為無理，又有網友指他是其就讀中學的訓導主任，「我哋睇完片全部喺度笑，星期一應該點樣面對佢？」