你要知：年紀輕輕就有白髮 係咪未老先衰？
20170610
東網電視
更多新聞短片
以為年紀大先有白頭髮？原來不少年輕人早已有白髮的煩惱。
白頭髮不再只是年長人士的專屬特徵，愈來愈多年青人，年紀輕輕就有不少白頭髮。遺傳、工作壓力、身體欠佳等，都是年輕人長出白頭髮的原因。不想咁快就滿頭白髮，令外貌與實際年齡不符，可參考中醫及皮膚科醫生的對策，齊齊擊退白頭髮。
有無發現踏入社會工作後，白頭髮日漸增加，未夠30歲，白頭髮就不受控地生長？註冊中醫師楊明霞指，血弱、腎氣弱、工作壓力大，都會令白頭髮愈生愈多。「有謂血之餘為髮，多餘先養頭髮，如果血弱，連身體都養唔到，點養頭髮？」楊指，因此血弱會容易有白髮及脫髮的情況。女性因月經等亦會傷血，所以相對男性較易有白頭髮。
至於腎氣弱，中醫有謂「腎其華在髮」，即毛髮反映腎的健康程度。若腎氣強，頭髮烏黑，相反腎氣弱，頭髮大多比較稀疏以及有白頭髮。另外，有謂「久病及腎」，若有慢性疾病卻置之不理，都會影響腎的健康情況，增加白頭髮。而香港工作壓力大，時常需加班捱夜、食無定時，會影響身陳代謝及氣血功能，導致肝氣鬱結，都是白頭髮的成因之一。
要解決滿頭白髮的困擾，楊表示，首先要停止蔓延，內服中藥、針灸治療都有幫助。多梳頭亦可令血液循環有所改善，白頭髮受控。食療方面，熱底人士亦可將菊花、枸杞子、黑豆、女貞子及海綿草焗茶飲用，或者加豬腱、烏雞、無花果煲湯。寒底人士則可將伏神、制首烏、黑芝麻及淮山焗茶，或者同樣加豬腱、烏雞、無花果及蜜棗煲湯，改善白頭髮情況。
然而，若屬遺傳就較難改善。「依啲叫少白髮，10歲以下都會見到，20幾歲就全頭白髮。」最多只可以控制白髮增加的速度，但難以完全將白髮撃退。
皮膚科醫生史泰祖就表示，30歲之前有白頭髮十分常見，大多是遺傳。不過，他笑指，「後生仔有白頭髮唔使擔心，後生有白頭髮，都唔代表將來好快全頭白晒。」白頭髮亦可能因患病，如甲狀腺或賀爾蒙不平衡、貧血及缺乏維他命B，但十分少見。
經常聽人說一夜白頭，究竟有無可能？原來，無論從中醫或西醫角度，可能性都較低。楊指，「一夜白頭好極端，好少發生，但短時間內，白頭髮突然多咗就有可能。」如大手術後或受到好刺激的消息，令情緒波動，都會影響毛囊及血氣運行，導致白髮增加。
史就表示，因長出的黑色頭髮已為死物，無可能會由黑變白。「最多可能因壓力大，抑制毛囊，忽然間甩頭髮，甩晒啲黑色頭髮，見到好多白色就以為一夜白頭。」要減少白髮，最重要就是有足夠運動、充足睡眠及保持心境開朗。
-----------------
《魔法軍團Z》創新自由組裝機械人大戰！
日系機甲戰棋手機遊戲《魔法軍團Z》好評配信中！