龍珠商場，一提這個名號，相信一眾70、80後的回憶都會「返晒嚟」。若說買電腦零件要到深水埗的高登商場，九龍城龍珠商場，就是遊戲機迷的黃金地。三層高的商場接近20間舖，20年前全是專賣遊戲機及卡帶的店舖，風頭一時無兩。現時卻儼如「死場」，九成店舖重門深鎖，迎客的是一道道灰暗的鐵閘，難以想像這裏曾經摩肩擦踵的日子。

究竟是一個商場必然的興衰，還是遊戲機式微呢？90年代是遊戲機的輝煌年代，任天堂紅白機、灰機，當年不少人曾經為其瘋狂過。遊戲機迷都會聚首龍珠商場，購買各式各樣的的遊戲。「唔好見依家咁，以前(通道)行起上嚟差唔多面貼面。」自1990年就在龍珠商場開舖賣遊戲的成哥，見證着這個商場的風光。「嗰陣個個玩game嘅都識得嚟呢度，因為呢度全部都賣緊差唔多嘅嘢，老闆就惟有鬥平」，成哥指龍珠商場當年是「又平又新」的代名詞。為何當初這麼多遊戲機舖會在九龍城落腳呢？原來當時龍珠商場是區內唯一一個商場，而且鄰近九龍塘，客人的消費能力較高。加上場鄰近啟德機場，不少遊客會慕名而來。

當年遊戲機是一種奢侈娛樂，一部紅白機索價2000港元，200至500港元一盒遊戲機帶，是名副其實有錢人玩意。除了一般上班族遊戲迷，更有非一般的客源。「好多家長會帶小朋友嚟買，佢哋諗住留啲細路喺屋企打機，總好過出街打，始終當時嘅機舖比較雜，驚佢哋學壞。」成哥更加見識過有中學生帶同傭人到商場購物，「基本上都係萬萬聲上落」，當年可謂不愁無生意。

曾經風光，如今蕭條，或者就是時間洪流帶來的領悟。自97年金融風暴，以及啟德機場搬遷，客人逐漸流失。而智能手機推出，遊戲隨手可得、畫質更好，潮流就此交替，龍珠的遊戲機舖陸續結業。如今只剩3間。成哥相信，至今已很少人記得香港曾經有過這個旺場，亦可能不再迷戀過去的遊戲機，「我覺得依家自己就好似孤苦伶仃咁坐喺度，可以坐足一日都冇人嚟，有時都諗係咪有必要繼續留守。」話雖如此，同是遊戲機愛好者的成哥仍每日都到龍珠開舖，或者潮流也未必沖刷一切。