直擊檢查回收箱　蕉皮爛花咩都有

香港堆填區平均每日接收超過500萬個膠樽，一年的棄置量足以環繞地球八個圈。回收箱成效不彰，全因有不乾淨的回收物造成污染。唔講唔知，使用回收箱都講技巧，一個唔小心，隨時犯法罰千五！

《港呢啲》親身視察街上的回收情況，發現多個膠樽回收箱，充斥各樣的垃圾，廢紙、爛花，甚至連蕉皮都有。當中有尚未飲完的外賣膠杯，飲料倒得滿箱都是。

「世界綠色組織」行政總裁余遠騁博士表示，本港有超過一半的回收物，都因為受到污染，而令回收商難以清洗處理，導致全箱回收物都要丟棄。他提醒：「喺街上唔能夠處理、飲剩嘅膠樽，要拎返屋企清洗，之後先放入回收箱。」他希望大眾學懂乾淨回收，藉此提高塑膠的回收量。

要有效減廢，有環保團體還建議政府落實生產者責任法規。「綠惜地球」環境倡議總監朱漢強建議，引入按膠樽制度，「如果你飲完拎返去可以攞返按樽錢，例如一蚊兩蚊一個樽，相信大家都會做，正如以前買汽水、鮮奶都有回收個樽。」朱漢強希望，生產商在賺錢之餘，亦能負起環保責任。

到底掉垃圾落回收箱有何注意事項？一般回收箱的污染情況有幾誇張？立刻睇片！

---------------

《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC