21歲仔球場踢波隨處放財物　失42萬限量手錶

富貴青年長沙灣踢波遇球場老鼠被偷手錶。昨晚11時，姓鍾(21歲)青年在發祥街西近英華街交界遊樂場與友人踢波，遂將其手挽袋放在場邊櫈上，完場後取回袋時，發現袋內一隻價值42萬港元的勞力士手錶不翼而飛，隨即報案求助。警員接報到場調查後，將案件列作盜竊，交由深水埗警區刑事調查隊跟進。

據了解，事主為工程判頭，居於屯門。被盜手錶為紀念版勞力士Cosmograph Daytona（地通拿），日本藝人木村拓哉2015年訪台時便曾佩戴該錶。東網記者到旺角一間錶行查詢，售貨員指該款手錶定價為58萬3千港元。另有銷售網站的資料顯示，該錶現時售價約40萬港元或以上。

涉事發祥街西遊樂場為一個五人足球場，由康文署管理，開放時間為早上7時至晚上11時，設有8個儲物籠，不過大部分籠網已毀爛，猶如「無掩雞籠」。記者在中午時份到場視察，只見其中一個儲物籠放有清潔用品，其餘的空置，踢波人士寧願將個人物品放在場邊櫈上。

其中一名鄭同學表示：「佢唔應該戴啲咁貴嘅錶嚟踢波，戴Apple Watch咪算囉！」又指最好不要帶貴重物品到來。另一名邱同學表示：「盡量要小心啲，唔見咗嘢自己都會唔開心，通常成班人一齊嚟踢波，應該搵一個人負責看住啲嘢，同埋可以搵條繩綁住啲袋，就算啲賊想偷都睇到吖！」