網民熱話：港女公審巴士麻雀男　反遭起底

東網電視

有港女搭巴士時不滿有男士攜帶麻雀上車，圖文並茂將男士樣貌放上網公審。(fb「巴士的事討論區」群組)

港女網絡公審巴士麻雀男，反被一眾網民公審轉頭？有港女搭巴士時見隔離座位男士攜帶麻雀上車，並徒手觸摸，她着對方收起麻雀不果，憤而向車長投訴，男士連雀最終被車長趕落車。港女圖文並茂將該名男士樣貌放上網公審，大批網民槍頭卻指向她，指其「公審還公審，使唔使影人相咁無品？」反將她起底公開批鬥。

該名港女在Facebook專頁「巴士的事討論區」貼文，指摘麻雀男罔顧禽流感肆虐，「拎隻生勾勾既(嘅)麻雀出來摸」，麻雀毛吹到她身上，並吱吱叫，令她感騷擾，於是向車長投訴。

貼文一出，她惹來大批網民指罵，指該男士可能只是滂沱大雨下好心救起隻麻雀，炮轟港女無愛心，又大鬧她不應公開對方樣貌，「其實簡單post件事出嚟咪算，咁做係咪好威好型？」、「帶雀鳥上巴士係唔啱，但有冇需要到要影相po上嚟玩公審呢？」

港女公審他人不果刪貼，後來又重新發貼，解釋巴士不可攜帶動物上車，並力陳放對方相上網，是「覺得個人唔岩(啱)，帶動物上車會連累車長。」她又指摘網民起底起出她及家人照片。網民反嘲笑她是「五十步笑百步」，「你自己都唔鍾意你親戚上po(post)，你就X人；咁你有冇諗過人地(哋)又想唔想上po呢？」

根據九巴乘客須知，乘客被規定不可攜帶活禽鳥、寵物或其他動物上車(陪同失明人士乘車的領行狗隻除外)。

網民有話說

Chris Chan：香港新道德！自我為是才是皇道！

Ling Cheung：你自己貼人張相先就唔X街？咪五十步笑百步啦，你唔唱人邊個會X你！

Akatsuki Kururu:：宜加D(啲)香港人好中(鍾)意小事化大

修儀林：佢呢劑簡直係「響朵作」，型到世界盡頭啦

※緊貼網民熱話，掌握最熱話題，請關注網民熱話fb：

on.cc東網