護士揭公院如難民營　批高層做騷輪候隊冇影

各大公立醫院的急症室及病房因夏季流感相繼淪陷，市民等睇病等到躁，醫護人員亦做到怨聲載道。屬重災區的伊利沙伯醫院，有該院前線醫護在社交網站撰文，炮轟昨(16日)前往該院急症室巡視的高層「做Show」及洗太平地，直言第三類緊急及第四類次緊急病人等入院的輪候隊伍原已維持了長達一星期，卻「突然間連影都冇」。他又揭露現時病房護士與病人比例已去到1:12，夜更比例更擴大一倍。

該名護士道出前線病房工作的惡劣處境，指「阿伯阿婆啲片濕完又濕，濕咗兩三轉都冇人同佢地換，啲被、尿壺、尿盆用到fill唔切呀，一個二個聞住氧氣，有氣冇力都嗌住要返屋企呀」，又透露內科病房已加床加到走廊及電視機底都無位。病房更長期有3至4位要用呼吸機的病人，這類危急病人原應要護士1對1跟進病情。

至於急症室情況更惡劣，即使斷骨、心口痛都要等4小時才獲安排見醫生，見完醫生如要入院，要先在急症室「訓(瞓)住張轉唔到身嘅輪床，過一晚夜先，第二日再睇下上唔上到病房，上到病房啦，打住藥，喺走廊訓(瞓)住張加床3晚，病情開始有好轉啦，醫生就話出得院」，直言根本形同「難民營」，前線同事做到「好灰」。

醫管局一直聲稱會盡快增加人手，但夏季流感已來勢洶洶，勢要有短期措施解決燃眉之急。港大感染及傳染病中心總監兼醫學界選委何栢良在社交網站發表意見，建議政府推出公私營合作計劃，向高危人士如5歲以下幼童、65歲以上長者資助1000港元的「流感券」，在流感高峰期間向私家診所求診，以減輕公營醫療系統負荷。