每日一片:韆鞦自動搖擺 拍片者堅稱冇造假

20170725
東網電視
更多新聞短片
有人言之鑿鑿表示屋邨韆鞦自動搖擺。(fb專頁「巴打絲打 Facebook Club」影片截圖)
住過屋邨的人總會有個關於邨內靈異事件的回憶,當中有人聲稱親眼目睹,但更多是道聽途說。不過所謂眼見未為真,一些所謂靈異事件,最終都可能得啖笑。近日有網民就聲稱晚上在深水埗一個屋邨內,發現一個韆鞦在無人推動下,不斷搖擺,惹來一場午夜怪談,但拍片者堅稱短片冇剪接、冇造假,真是信不信由你。
據拍片者留言,當晚送女朋友回麗閣邨家時,目睹這場面。「見到好得人驚,唔敢行埋去。」片段一開始,一個韆鞦在冇人控制下,不斷在擺動,由於正值晚上,加上附近昏黃的燈光,氣氛確有幾分詭異。片段約長20秒,由開始至片段末,韆鞦一直擺動,亦未見有慢下來,不過直至片末,兩名青年突然「入鏡」,其中一人更走近韆鞦「起飛腳」踢向韆鞦,片段就在青年起腳時突然結束。
看過短片的網民幾乎一面倒批拍片者「自編自導」靈異事件,認定該名青年便是拍片者「同謀」,更嘲笑其剪接技術差勁:「下次唔該停咗機先再推。」「唔好自搖自拍吖,唔該。」「剪片剪得好差,你唔應該畀兩個XX仔入鏡,破壞晒氣氛。」不過亦有網民與拍片者「玩埋一份」,「好鬼驚,未見過咁猛」。
不過拍片的男讀者向東網記者堅稱,短片並沒有造假,「根本唔係嗰兩個傻仔踢,如果我要作我cut埋嗰兩個傻仔啦,我依家仲驚緊,唔好當我玩,我好認真!」