醫管局推介抗流感藥方　中醫點解話冇效？

夏季流感肆虐，醫管局建議的中醫飲方竟然無效？衞生防護中心表示，5月初至今流感累計已殺200多人。為預防流感，醫管局近日建議市民可飲用「夏季感冒預防方」，以菊花、薄荷及蘇葉各3克，加入沸水浸泡一杯飲用，每周服2至3次。

但香港註冊中醫師關富健直指「預防方」效用成疑。他表示，菊花、薄荷及蘇葉均有疏散風熱的功效，不過該藥方的所用分量太少，難以起效，「因為佢建議嗰個配方係非常低劑量，係藥典(列明)最低嘅分量，佢用呢個分量，都唔足以令病毒去走！」並稱「每一樣都係落3克，我哋入藥都唔會用到咁低嘅分量。」他認為，該藥方是「一種食療多於預防配方！」

至於飲得太多，又會否有問題？關醫師說：「除非你嘅飲用分量，超出過你依家嘅5倍或以上！」若服用量超出建議標準太多，就有機會變成體寒的體格。關醫師建議，在「預防方」中加入金銀花和板藍根兩種藥材，以達到更佳的抗流感效果。

---------------

《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC