婆婆周街提人唔好翹腳　脊醫：翹腳影響生育

「翹腳婆婆」以經常隨街勸人不要翹腳而聞名將軍澳，而近日有網民更指「翹腳婆婆」首次衝出將軍澳，出沒港鐵觀塘線「執勤」，「一卡車入面已經叫咗十幾個人唔好蹺(翹)腳！」此事惹起網民熱烈討論。

有網民大讚婆婆做得正確，「物理治療師都話翹腳坐對坐骨唔好，信吓啦！」、「個健康院姑娘叫我個女唔好翹腳。話翹得多腳會粗！」、「跌打醫師都係咁講。」而都市女性為保持坐姿端莊，經常會翹腳而坐，究竟翹腳是否不應該？《港呢啲》搵嚟脊骨神經科醫生王俊華，一一解答。

王醫生接受訪問時，力陳翹腳壞處，指翹腳時會引致盆骨傾斜，容易形成腰椎或者盆骨錯位，「翹腳翹得耐，會出現一啲痛症，腳會麻痺，嚴重更會引起肌肉萎縮！」

王醫生續稱，女性翹腳更應小心，「當盆骨錯位或者腰椎錯位出現的時候，都會影響女性生殖器官的神經線，出現月經失調！」更稱有少數人會出現生育困難，甚至導致流產！

---------------

《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC