知名輪椅狗狗生命倒數　主人忍痛貼身照顧

大埔知名的輪椅狗狗，生命踏入倒數，主人仍不輕言離棄，貼身照顧，決心讓愛犬在最後一段日子中，能夠走得舒服！

患有腦退化的牧羊犬阿Joe，今年已屆15歲，對照人類，相當於一名七旬老翁。牠2年前曾經中風，之後再被驗出有腦退化，大半年前開始行動不便。主人吳生深知愛犬活潑好動，專程購買輪椅，輔助牠四出散步。相依相伴的畫面，因為經常被網民捕捉到，而聞名大埔。

可惜近日阿Joe的情況急轉直下，連進食排泄都不能自理。吳先生每日要將狗糧攪碎、加水，再強行餵飼給阿Joe食。看着阿Joe仍日漸消瘦，吳生忍着悲傷地道︰「試過佢行咗十零廿步，已經攰到喺輪椅瞓着，我諗佢差唔多係倒數。」

為了照顧癱軟無力的阿Joe，吳生每日要抱起重逾30磅的愛犬，「依家條腰不斷痛，不過麻木咗，膊頭、手腕全部都痛。」被問及曾否想過放棄，吳先生哽咽地坦言︰「有！之前我完全冇時間瞓覺，嗰陣有諗過放棄，但自己唔捨得，依家盡量照顧，希望佢唔好走得咁辛苦。」

想睇更多阿Joe嘅情況？吳生點貼身照顧？即刻睇片！

---------------

《港呢啲》：大事小事騎呢事，東網電視嚴謹選題，輕鬆製作！