網民熱話：救野豬心肺復甦？途人餵水解中暑

野豬走進鬧市的事件時有發生，但因普遍市民都會害怕野豬，擔心牠們會有相當的攻擊性，大多都會立即報警或是找漁護署處理。旅遊巴司機陳先生昨日（4日）下午在西貢區發現一隻體形細小的懷疑中暑的野豬，他立即拿水餵小野豬，餵了大概3支水後，牠便逐漸甦醒過來。他勸籲當其他市民見到野豬時不應報警或驅趕野豬，若遇上相類似事件，也應先嘗試救救野豬，因「呢個地球係大家共同擁有，盡可能都唔好影響其他動物，都唔好影響野豬原有生活。」

事發當時陳先生正在旅遊巴上整理物件，及後見到野豬在附近的草地上經過，起初覺得野豬「咁得意喺度曬太陽瞓晏覺」。後來愈看愈不對勁，「佢好似好唔舒服，中暑咁」，他立即拿750毫升的水和買了麵包餵牠，之後再用雨傘為牠遮擋陽光，「麵包佢就淨係食咗兩啖就唔食，水佢就係咁飲」。大概相隔了1小時，野豬飲了3支共2公升水後，牠終站起來開始走動，陳先生也因要開工被迫離開，無法繼續照顧野豬。

陳先生向東網記者闡述事發經過時直言自己「平常心面對，始終我都覺得唔係啲咩英勇或者好認叻嘅事，只係做人應有嘅行為。」當詢問為何會餵水給野豬時，他指「好自發，就算人中暑都係畀佢飲返多啲水嘅啫」。他將事件告知了友人，友人再到《香港野豬關注組》求助，後來野豬暈倒，關注組成員建議進行心肺復甦，陳先生澄清指自己並無沒有這樣做，只有餵水、麵包和為牠遮擋太陽。

他又指，自己在圍村長大，對野豬、牛、黃麖等動物早已見慣見熟，因此並無感到害怕，「我又覺得你唔搞佢，佢都唔會搞返你。」並呼籲大眾：「好希望其他市民見到，唔好報警或驅趕野豬，如果遇到今次類似，應嘗試救野豬！人同動物都應有平等待遇。」

有網民大讚事主「好在有你！請大家加油，繼續幫助動物」、「好人好事，豬仔遇到你真係好彩」，亦有網民提醒其他市民，若遇到相類似的情況，亦知道該動物「太熱又缺水，可以用水淋濕佢個身，幫佢降溫，動物可以用凍水，同帶佢去冷氣地方降溫」。

漁農自然護理署發言人提醒市民，市民遇到野豬時，應保持鎮定及盡量與牠們保持距離，切勿主動走近或驅趕，以免發生危險。

網民有話說：

區思晴：今次要讚你呀！

Wing Hang Cheung：只要你肯伸出援手， 奇蹟就會發生！

Joshua Nan：大地乃所有有生命共享的。救回小豬是一件樂事！

Kenny Ho：咁細隻豬唔見咗媽媽好慘，如果畀佢跟其他豬媽，豬媽又會唔會畀佢埋堆？咁熱好多動物都頂唔順！

※緊貼網民熱話，掌握最熱話題，請關注網民熱話fb：

http://on.fb.me/1L3m1ro