暴力版瑜伽殺入香港　摸頭打喊路係咩玩法？

近日網上流傳一段奇怪短片，畫面所見一班習武之人，在香港一個公園仔集體散步、?頭、打喊路(打呵欠)，到底搞邊科？原來他們是在修練俄羅斯防衞術！

「?頭打喊路都可以成為防守方法！」來自加拿大的教練Janik指，「西斯特瑪(Systema)」屬於俄羅斯武術，俄國軍方更用以訓練戰士。這門武術包含五大要旨，包括動作、呼吸、放鬆等，習武之人可藉此減壓。學生修練時不講求招式，反而著重訓練自然反應，「你可以叫佢做暴力版瑜伽」。

鑽研「西斯特瑪」12年的Janik，7年前從加拿大來港後，開設了本港首間「西斯特瑪」訓練學校。他指學校內的學生無分等級，人人都要「慢學」每個動作，皆因學得慢才能在加速後揮灑自如。他認為，每個人都有一套屬於自己的「西斯特瑪」，所以不希望學生將動作死記硬背。

不少人習武追求有型與快感，但學習了「西斯特瑪」兩年的港人Cyrus，卻貪這種武術夠簡單︰「我學嚟唔係為表演，而係當作防身技能」。他說，曾遇過醉漢出言挑釁，最終靠「西斯特瑪」的心態訓練，未出手已令對方知難而退！想知過程係點？這種武術又有幾特別？立刻去片啦！

---------------

《港呢啲》：大事小事騎呢事，東網電視嚴謹選題，輕鬆製作！