政Whats噏：鄧家彪入民記　地區樁腳唔幫拖

工聯會(工記)鄧家彪(Bill)打算爭奪由青年新政梁頌恆喺宣誓風波中所產生嘅懸空議席，借未來的新界東補選重返立法會，更加在上月底加入民建聯(民記)希望增加勝算機會。但聞說民記的地區樁腳態度消極，主要是覺得阿Bill空降新界東是爭飯食，影響上位的機會，現時亦是靠工記的樁腳帶他落區。換言之，民記樁腳根本不想幫拖為他抬轎。

據聞阿Bill加入民記時，有指他亦會加入民記沙田支部，令人相信他會由離島轉戰沙田。有民記中人明言，地區樁腳不甘作嫁衣裳，更擔心阿Bill勝出補選後，會於下屆區議會轉到沙田，爭奪出選機會，所以對助選態度較為消極。

民記中人又透露，阿Bill是以普通會員身份加入民記，因此無權參與民記會議，包括地區委員會，意味住難以掌握地區民情。再加上民記樁腳態度有欠積極，又怎會帶他落區了解，所以即使他已加入民記，都只能靠工記樁腳帶他落區去接觸市民。

另外，有民記領導層認為阿Bill具有個人性格，但工記味道過於濃烈，每逢有勞工議題立場則過於貼近工會，而且回應極為迅速未有考慮與民記的分歧，變相令到民記變得尷尬。

該名領導層更指民記票源不一定能全數過給阿Bill，因為與選民立場不一致是難以取得其信任一票，所以認為他要作出調節，多點落區聽意見。不過他只能靠工記樁腳落區，要有調節看來相當困難。

其實民記當中亦有不少想參加補選的人，正如民記早前亦就補進行黨內初選，亦有人報名競逐出選新東，正所謂多隻香爐多隻鬼，所以不難理解民記樁腳會不服阿Bill與他們爭奪上位機會。

想當年工記與民記分家，亦與對勞工權益立場有關，現時阿Bill不惜走回頭路想爭取更高勝算，卻再次激發矛盾，變了適得其反，再加上以前民記還有地區組織公民力量幫手，後來因為不想再幫民記抬轎而自力更生，之後還與新民黨「結婚」，令容海恩上位晉身立法會。建制派之間競爭大，阿Bill今次的決定是否錯誤呢？