每日一片：無賴內地漢打尖　迫港男認中國人

中港兩地文化差異，往往因此爆發衝突，不過若然因為打尖這些秩序問題，牽連到身分認同，就有點令人摸不着頭腦。近日網上流傳一條短片，片中一名年輕港男疑不滿內地男一家幾口打尖，與對方理論時，反遭對方拍片，迫認中國人。

事發地點相信是一個主題樂園的展館，片段一開始，鏡頭便向着一名青年，青年指斥拍片者打尖，但對方卻不斷追問青年，「你係邊度人呀！」期間青年疑被「迫得太緊」，語帶憤怒說：「我係英國人，唔係中國人」。拍攝的內地男於是將鏡頭移向青年身邊的女伴說：「你條仔話佢唔係中國人，咁樣講啱唔啱？」青年反駁說：「我唔係中國人有咩問題？」內地漢聽罷更加激動，「你係咪中國人，講一聲就得啦！」但青年堅持說自己不是中國人，並以英文一再重覆。

事後該名內地男被網民起底。有網民留言指，當年大批中國人從內地走難到港，港人都會接濟，但今時今日卻排擠內地人，認為大家都是中國人，是甚麼原因造成這現象？不過其言論卻惹來網民狠批，「係咪因為中國人打尖係正常文化，所以要迫人認，咁就打尖都正常？」「打尖就係打尖啦，問咩係咪中國人。」