狗狗車內焗桑拿恐中暑　網民肉緊報警救命

今日(21日)熱爆，下午3時許市區約34度，深水埗更高達36度以上。有市民今午行經深水埗一個停車場，驚見一隻大狗坐在司機位旁的乘客位「伸晒脷」，車窗只餘一條小罅，擔心狗狗隨時熱死。相片上載Facebook後，網民盛怒，批評狗主不人道及不負責任，據現場消息，有人已向停車場管理處求助及報警希望聯絡車主，齊心救救狗狗。及後，上載相片的網民指狗狗已由車主抱走。

有網民形容，停車場本身已經翳焗，在酷熱天氣警告下倘如無開冷氣，人坐在車廂2至3分鐘已一身大汗，車廂溫度可能高達40至50度；「啲人真係痴線，調返轉頭係你喺架車到試吓啦。」據現場目擊的市民稱，涉事七人車已停車熄匙，只得司機位旁乘客位的車窗及中座車窗微開，陽光更直曬相關車位，非常擔心狗狗捱不住。

警方回應證實在下午近2時收到報案，指有報案人稱在深水埗富昌邨的一架車輛上看到狗隻，因安全起見報警。警方到場後發現車輛有開窗，車上亦有食物和水，聯絡車主時對方指去了買東西，很快回來，暫時把案件列為雜項處理。