水浸橋龍珠島變孤島　居民玩命揸車「渡海」

打風被困龍珠島，勇司機私家車當潛水艇闖水浸橋！今日風暴期間全港多區嚴重水浸，屯門龍珠島連接黃金海岸的徑青龍路行車橋，同樣被洪水淹沒，不斷有海浪湧上橋面，完全未能看見路面。出市區的唯一通道水浸，令龍珠島變成孤島，居民無法出入。

不過竟有居民無論如何都要硬闖，據網上流傳的片段所見，最少兩輛私家車曾經強行「渡海」，其中一名男司機駕駛私家車接載最少兩名男女親友，由龍珠島駕車經行車橋駛出黃金海岸，上橋前司機向友人稱：「都係要去㗎啦，預備喇！」然後踩油衝出，積水幾乎完全蓋過車頭的行車橋，遠看私家車如在海中行駛，期間兩邊不斷有巨浪拍向車身，前方只見白茫茫一片，女乘客嚇至大叫：「唔好行啦，返去啦！」

不過男司機仍處之泰然，回應稱：「點退後呀姐姐！ONE WAY ONLY（只有一條路）！」最後私家車竟然安全無恙駛過行車橋，男司機則淡然道：「真係要搵啲嘢洗下架車呀。」

有黃金海岸高層的居民，從另一角度拍下私家車闖橋經過，場面更令人膽戰心驚，僅約200米的路程令人為之窒息，直至它安全渡過才鬆一口氣。