機場廣告被指笑死外國人　機管局：換過張相

廣告宣傳考驗功夫，一不小心隨時慘成公關災難。有作家在Facebook發貼，指有朋友一落飛機，就於機場見到一幅懷疑由機場管理局張貼的大型廣告，只見一名空姐背後顯示「ASS」(屁股、蠢豬)的字眼，更直指「外國人睇到真係好笑囉」。

從他上載的相片可見，廣告內有4位在機場肩負不同職責的人員，掛上最親切燦爛的笑容，廣告還配以「歡迎」字眼，相信廣告原意是歡迎一班抵港旅客。但最離奇是，相中一名空姐的背後竟然出現「ASS」的字眼，另有一名男工站於女廁門外。

上載相片的雲海對此廣告嗤之以鼻，並笑言︰「影嘅時候都有問題啦！仲出到街？外國人睇到真係好笑囉！一個空姐係屎X窿？！個廚師喺女廁門口煮嘢食㗎？！」

貼文在網上引起極大回響，一班網民留言指廣告拍攝者「分明玩嘢」，亦批評機管局竟容許廣告出街︰「影嗰個又唔察覺，執嗰個又睇唔到，批嗰班又盲嘅」。另有心水清的網民表示，在廁所門口的男子，身穿的是清潔工制服，而非貼文所言的「廚師」。

機管局發言人回覆《港呢啲》查詢時承認，該輯照片由該局製作，於2014年起在行李認領大堂展示，以不同機場員工在其工作位置外展現笑容為主題，旨在推廣機場的顧客服務。在香港航空登記櫃檯前的地勤職員，背後字樣當為「CLUB CLASS」。該局正更新相關照片。

---------------

《港呢啲》：大事小事騎呢事，東網電視嚴謹選題，輕鬆製作！