5車中環路口連環衝燈　網友︰呢個位常出事

明明紅燈，轉眼卻有一群車，齊齊衝過馬路！近日網絡流傳一段車Cam片，只見有客貨車疑看錯遠方路口的綠燈，導致後面四輛車集體「跟風」衝紅燈。

根據社交網站群組「馬路的事討論區」的片段，現場是中環畢打街與干諾道中交界。開首時，四條行車線的車輛，均在紅燈信號前停低等候。豈料當下一個街口的交通燈轉綠，客貨車疑「眼大睇過龍」，一馬當先衝出，鄰線的士亦跟隨其後。尾隨的三輛車懷疑因見前車駛走，亦「中伏」駛過十字路口。

不少網民笑言，五輛車一齊衝燈的情況非常「壯觀」，「最左邊嘅的士都心郁郁想衝」、「香港人怕執輸呀，梗係有理冇理都踩油衝啦」、「咁多架一齊睇錯好唔正常」。另有人表示，事發地點經常有車輛因睇錯燈，而導致交通意外。

運輸署資料顯示，倘司機沒有遵守交通燈號，可被處定額罰款六百元，並記5違例駕駛記分；再犯者最高罰款一萬元，以及監禁六個月。

---------------

《港呢啲》：大事小事騎呢事，東網電視嚴謹選題，輕鬆製作！